Muhimmancin Turare a Rayuwar Mace

Turare abu ne da kowa ke sha’awa, musamman ma mata. Mata suna yawan amfani da turare a kullum, kamar yadda suke yin wanke-wanke. Shin kun san cewa turaren da muka saba amfani da shi na iya zama da amfani sosai, musamman wajen shafawa a zanen gado da riguna sawa?

Akwai nau’ikan turare daban-daban, kamar na humra wanda ake shafa a gashin kai, na hammata, da na shafawa kamar mai (wanda aka fi sani da kulacca), da kuma na riga. Lallai, macen da ta saba amfani da turare za ta sami girmamawa a cikin al’umma da kuma a wajen mai gidanta.

Har ila yau, akwai turaren kanti irin su ‘Dior’ da ‘Cool Water’ da sauransu. Amma turaren gargajiya ma suna da matukar muhimmanci.

Yadda ake Amfani da Turaren Gargajiya

1. Shirya Kayan Sawa: Sami kabbasa (ana iya samun shi a kasuwa) da kasko. Zuba garwashin wuta a cikin kasko, sannan a dora kayan a kan kabbasar.

2. Zuba Turare: Zuba turaren wuta a cikin garwashin, sannan a rufe kabbasa da kayan da za a saka a ranar ko kuma wanda za a je unguwa da su. Haka hayakin turaren zai shiga cikin kayan sosai.

3. Shafa Kulacca: Bayan haka, sai a shafa kulacca (kamar man shafawa, amma an hada shi da turare).

4. Shafa Bayan Wanka: Bayan an yi wanka, sai a shafa turaren a matsayin man shafawa. Sannan a saka riga, kuma a shafa humra fari ko baki a jikin kayan. Idan kayan suna da duhu, sai a yi amfani da humra baƙa. Idan kuma kayan masu haske ne, sai a yi amfani da farar humra.

5. Amfani da Turaren Kanti: Idan kuma ana son amfani da turaren kanti, sai a fesa shi kawai. Amma turaren gargajiya ya fi dorewa a jiki, kuma yana daɗaɗa ran waɗanda ke son jin ƙamshin turare mai ƙarfi.

Amfanin Turare ga Jiki da Lafiya

Turaren gargajiya suna da amfani sosai ga lafiya. Suna taimakawa wajen rage ƙarnin nono a jikin mace da kuma jikin jariri. Akwai wasu mata da suka haihu, kuma suna fuskantar ƙarnin nono sosai, har ma da jaririn da suka haifa yana iya yin ƙarni. Wani lokacin ma, ƙarnin turaren yana shafar ma wanda ya ɗauki jaririn.

Don haka, yana da muhimmanci a kula da yadda ake amfani da turare, musamman don magance matsalolin da suka shafi lafiya. Turare, yana da muhimmanci a rayuwar mace ta yau da kullum.

Related Posts: