Bobrisky ya bayyana fitattun mutane bakwai da ya taɓa soyayya da su a Najeriya

Shahararren ɗan daudu kuma mai shahara a shafukan sada zumunta, Bobrisky, ya bayyana cewa ya taɓa yin soyayya da fitattun mutane bakwai a Najeriya. Wannan bayani ya fito ne a cikin wani bidiyo da ya yada a shafukan sada zumunta, inda ya kuma yi magana game da cin amana da ya sa ya yanke shawarar ficewa daga ƙasar.

Bobrisky, wanda aka fi sani da halayensa na daudu da kuma maganganunsa, ya yi alkawarin cewa zai fallasa sunayen waɗanda ya yi soyayya da su, yana mai cewa sun kasance “munafukai” a cikin masana’antar nishadi ta Najeriya.

“Lokaci yana zuwa da zan bayyana sunayen fitattun mutane bakwai da na taɓa soyayya da su a Najeriya. Lokaci yana zuwa da zan fallasa munafukai a wannan ƙasa,” in ji shi a cikin bidiyon.

A cikin wannan bidiyon, Bobrisky ya kuma yi kakkausar suka game da yadda wasu fitattun mutane da ‘yan siyasa suka yi masa katsalandan yayin da yake fuskantar shari’a da Hukumar Yaki da Yiwa Tattalin Arziki kasa (EFCC). Ya bayyana rashin jin daɗinsa game da yadda Najeriya ta ƙi amincewa da ainihin halinsa, yana mai cewa ko da ya yi shekara 100 a ƙasar, ba za a taɓa sanya shi a matsayin mace a takardun hukuma ba.

“Ban taɓa sanin cewa ina da muhimmanci sosai ba sai bara, lokacin da ministoci da ‘yan majalisa suka fara yin magana game da ni. Ka yi tunanin minista yana barin aikinsa don ya mai da hankali kan Bobrisky. Shin ina da wannan muhimmanci haka?

“Ko da zan yi shekara 100 a Najeriya, ba za su taɓa saka ‘mace’ a kan fasfo ko lasisin tuki na ba. Amma a nan, ana girmama ni bisa yadda nake,” in ji shi.

Bobrisky ya kuma yi kira ga al’ummar Najeriya da su yi masa adalci, yana mai cewa ya kamata a mutunta shi saboda yadda yake rayuwa da kuma abin da yake wakilta.

Related Posts: