Yadda Ake Yin Addu'ar Warware Sihiri

Yadda Ake Yin Addu'ar Warware Sihiri

Yadda Ake Yin Addu'ar Warware Sihiri Cikin Yardar Allah Kuma A Samu Nasara 

Mutanen da ke da sihiri a jikinsu na neman Mafita, wasu na neman magungunan da za su yi amfani dashi wasu kuwa na neman addu'ar da za su yi domin kawo karshen matsalar. Wannan dalilin yasa naga ya dace na kawo muku yadda za ku warware sihiri da ikon Allah. 

Addu'ar Warware Sihiri

Za'a samu ganyen magarya guda bakwai (7) a daddakasu da dutse ko wani abu sai a zuba cikin ruwa, sannan a kara baki kusa da ruwan ta yadda numfashin karatun zai dinga sauka cikin ruwan, sai a karanta wadannan ayoyin kamar haka:

I. Ayatul Kursiyyi

II. Sura til A'araf daga aya ta 117 zuwa ta 122

III. Suratu Yunus daga aya ta 79 zuwa 82

IV. Suratu D.H. daga aya ta 65 zuwa 70

V. Suratul Kafirun

VI. Suratul Ikhlas

VII. Suratul Falaq

VIII. Suratun Nas.

Bayan an kammala karatun sai a sha ruwan sau uku (3) (lokutta daban-daban koda bayan mintuna ne) sannan ayi wanka da sauran a wuri mai tsarki. 

Haka kuma wadannan Addu'o'i suna da amfani ga mijin da aka hana kusantar iyalinsa da kuma wadda duk lokacin da aka tsayar da maganar aure sai ta watse/lalace ba tare da wani dalili ba. Allah kayi muna kariya daga sharrin halittunka ma'abuta sharri.