![]() |
Domin Matan Aure: Yadda Ake Shagwaɓa Mai Gida A Lokacin Hutu |
Dabarun Yadda Ake kula da shagawaba miji a lokutan da ake zauna a gida idan babu aiki ko kasuwa
Da yawa daga cikin matan aure basu san yadda ake shagwaɓa maigida ba, akwai waɗansu keɓantattun ranaku da Mai gida ke yin hutu. Wani ya dauki hutun aiki na wata guda ko ya ɗebi sati. Ko kuma ranakun Asabar da Lahadi. Ya zama babu aiki kuma zaman shi a gidansa zai ƙaru. To sai ki yi ƙoƙari ki zamo wa maigidanki Kariya daga kallace-kallace da yawon kawai.
Tunda ga dama ta samu. Sai ki yi iya ƙoƙarinki Ki bi hanyoyin yadda za ki lulluɓe shi da ƙauna, da kyautatawa. Saboda babu wata rayuwa ta morewa, Irin ki samu ku manne da mijinki cikin soyayya.
Ko da ba waɗannan ranaku ba, mu yi amfani da ranakun da Maigida bai da aiki wajen samarwa mazaje hutu a cikin gidajemmu. Kasancewar mafi yawansu Litinin har Juma’a suna sintiri wajen aiki.
Abubuwan Da Za Ki Yi:
Ki yi Ƙoƙari ki dinga riga shi tashi daga barci. Ki yi wanka da caba kwalliya, ki sa riga mai shara-shara ko ɗamammiyya mai nuna sirrin jikinki.
Duk ƙarshen Mako (weekend) ya zamo breakfast ya bambamta (inda hali) Ki kammala shi da wuri. Idan hutun na da tsayi. Ki tsara abincinki, in dai da hali.
Idan ya ce ba yanzu ba, zai dan kwanta ne. sai ki bi shi ki kwanta jikinsa ku huta. Idan ya nuna yana buƙatar ki, good, idan kuma barcin ne da gaske, sai ki tafi ki shirya yaranki da gidanki. Kar ki bar su, su yi ta hayaniyar da za ta dame shi.
Da azahar kuma, ki kammala girki da wuri. Ki sake kwalliyya da ado, sai dai kamar atamfa, leshi, shadda ( waɗannan wanda suka fi kyau cikin kayanki da ki ke ɓoyewa ). kar ki manta da yawan aswaki.
Idan ba'a yi komai ba tun asubar nan. To, ki yi ƙoƙari ya kwanta ya huta, da azahar bayan ya ci abinci Ki tabbata kin yi abin da zai kiɗima shi don ku huta tare. Ki ba da isashen lokaci kina sumbantarsa, da rungumarsa , da shafa shi. Shi ma ki bashi damarsa ya yi duk yadda yake so, don ranar hutunsa ce .
Ki gama abincin dare kafin magriba, ki sake wanka kuma ki canja kwalliya. In kina haka zai dinga yawan shigowa gidansa.
Mai gida ya taimaka da sakin jikinsa, tare da nuna yaba wa matarsa dukkan ƙoƙari da take yi. Da kuma fita da ita wani waje domin samun hutawa irin ta Masoya.