Yadda Aka tsinci gawar wata mace da karnuka suka cinye a cikin gidanta - Android Pols

An samu gawar wata mata ta mutu a cikin gidanta da ake zargin karnukanta sun cinye biyo bayan koke-koke da makotanta suke yi cewa wani mummunan wari na damunsu". 

An kira 'yan sanda zuwa wata unguwa dake titin filin jirgin sama, a birnin Santa Rosa, Argentina, biyo bayan rahotanni daga makwabta game da wani "Wari" da ke fitowa daga gidan na tsawon mako guda.

Lokacin da suka shiga gidan, a ranar 31 ga Disamba, sun gano gawar matar Ana Inés de Marotte, wacce karnukanta guda biyar suka cinye.

A cewar shafin Infopico, an bayyana matar mai shekaru 67 a matsayin " ta bata" a cikin mako na biyu na Disamba, amma an same ta a Santa Rosa Sanatorium kuma aka sake ta a wannan rana.

Ta tafi Santa Rosa Sanatorium don jinyar rashin lafiya kuma an shigar da ita ba tare da dangi a cikin birni ba.

Bayan sallamarta, Marotte ta koma gidanta kuma an same ta bayan mako guda tare da karnukanta a makale a gidan tare da ita.

A cewar kwamishina Fernando Martín Cortez, na Sashe na biyu na Santa Rosa, an kira ‘yan sanda zuwa gidan ne saboda warin da ke cikin gidan. Da shigarsu dakin, sai suka tarar da Marotte babu rai a kasa.

Lauyan mai gabatar da kara Óscar Alfredo Cazenave ya tabbatar da cewa wacce aka azabtar na fama da bugun zuciya da kuma cewa karnuka sun ci wani bangare na fuskarta da kunnuwanta bayan ta mutu.