Yayin da mutum ya tsufa, yana da mahimmanci ya kula da abubuwa da yawa ciki har da jikin mutum. Abinci yana taimaka mana wajen kiyaye rayuwa da girma, sannan kuma, lokacin da ba mu ci abinci mai kyau ba yana iya haifar da samun matsala a jikinmu.
Yana da mahimmanci ku samu canje-canjen salon rayuwa a yayin da kuke girma. Wasu masana abinci mai gina jiki sun ba da haske game da abinci 10 da mutanen da ke da shekaru 40 zuwa sama ya kamata su guji yin amfani dasu.
Wani masanin abinci mai gina jiki, James Oloyede, ya ce mutanen da suka kai shekaru 40 zuwa sama ya kamata su san irin nau'in abincin da suke ci, kuma su kasance da abincin da zai inganta lafiyar jikin su.
Oloyede ya kara da cewa, “Babu wani nau’in abinci na musamman da mutum zai iya gujewa yin amfani dasu gaba daya domin akwai nau'in abinci da ake iya sarrafa su ta hanyoyi da dama, amma akwai wasu abincin da ya kamata a rage ci da kuma wasu da ya kamata a kaurace yin amfani dasu gaba daya.
Ga wasu daga cikin jerin nau'in abincin da ya kamata ku Kauracewa ci da zarar kun yi shekaru 40 a duniya:
(1) Ku Guji Yin Amfani Da Kayan Abinci Mai Yawan Suga(carbohydrates) ;
Oloyede ya bayyana cewa cin abinci mai suga da yawa wanda ke dauke da babban glycemic index kuma yana kara yawan sukarin jini na masu yin amfani dashi.
Abincin sun hadar da cincin, panke, donuts, biredi da sauransu. Ko a wasu kasashe, akwai dokar rage cin abinci na farin biredi saboda suna dauke da ma'aunin glycemic mai girma saboda suna saurin haɓaka sukarin jini.
Wadannan kayan abincin kuma suna da alaƙa da cututtukan zuciya, hauhawar nauyi, ciwon sukari da sauransu,” in ji masanin abinci. Duk wanda ke day shekaru 40 zuwa sama ya kamata ya kaurace Cindy irin wannan abubuwan.
(2) Naman da aka sarrafa
Kowane nama da aka sarrafa irin su tsiran alade, naman alade, naman kare, yana ɗauke da kitse mara kyau wanda ke da tasiri akan rage ruwan jiki kuma yana haɓaka lalacewar fata.
Oloyede ya kara da cewa, “Hakanan yana iya haifar da kumburin da ke hade da cututtukan fata a cikin tsufa. Yayin da mutum ya girma, arthritis yana farawa. Sashe na magungunan da ke cikin jiki ya rushe zuwa abin da ake kira nitrosamine chemicals wanda aka gano yana haifar da ciwon daji idan sun wuce matakan da aka halatta.
Ba za ku taɓa iya faɗin (yawan sinadarai a cikin samfurin ba), yana iya zama haɗari, da gangan, da haƙuri kuma ya bambanta don haka yana da kyau ku guje wa abubuwa kamar haka lokacin da kuka kai shekaru 40 zuwa sama. ”
(3) Abinci Mara Gina Jiki
Oloyede ya lura cewa abinci mai wanda baya gina jiki ba sa abokantaka ga mutane masu shekaru sama da 40. Ya bayyana cewa abinci da ba ya gina jiki ya ƙunshi abubuwa da yawa a cikin adadi da yawa, ya kara da cewa wasu daga cikinsu na iya zama marasa lafiya.
Ya kuma kara da cewa suna dauke da sikari, fats, nitrite, sodium, da sauransu wadanda ke da illa ga lafiya.
(4) 'Ya'yan itace
Oloyede da Malomo duk sun yarda cewa shan ruwan 'ya'yan itace musamman wanda aka sarrafa su daga ainihin yadda suke yin amfani dasu da mutanen da ke da shekaru 40 zuwa sama kan iya haifar musu da matsala.
Oloyede ya bayyana cewa, ba tare da la'akari da sinadarai da fa'idodin da aka tallata ba, mutanen da ke cikin wannan rukunin ya kamata su guji yin amfani dashi.
Ya kara da cewa, “irin wadannan kayan da aka sarrafa su sun dauke da sikari mai yawa, wanda hakan kan iya jawo barazana ga wadanda ke da halin kamuwa da ciwon suga.
Har ila yau, saboda ruwan 'ya'yan itace ne, an cire fiber kuma fiber yana taimakawa wajen taimakawa narkewa kuma yana da laxative a cikin yanayi kuma yana bukata a cikin hanji. Oloyede ya kara da cewa "Sugar da sauran abubuwan da aka kara da su suma dalilai ne na yin kaffa-kaffa da shan wannan."
(5) Rage shan barasa
Malomo ya ce ya kamata a guji barasa. Oloyede ya kara da cewa ya kamata a kauce masa gaba daya ko kuma a rage shi sosai. Sun bayyana cewa shan barasa yana shafar ingantaccen ruwan dake a jiki. Sun lura cewa, yawan shan barasa yana iya tsotse ruwan jikin mutum.
(6) A Guji Amfani Da Abinci Mai Kitse
Ko da yake ana ƙarfafa cin kaji, sai dai ana shawartar mutane da ke cikin wannan nau'in su cire fata kafin cin naman kazar, musamman idan an soya. Wannan zai rage cin cholesterol wanda ke haifar da kumburin jijiya da kuma cututtukan zuciya.
(7) Ku Guji Amfani Da sukari
Yayin da mutum ya tsufa, masanin abinci mai gina jiki ya ba da shawarar cewa mutum ya rage yawan amfani da sukari, musamman ma sukari da aka sarrafa.
"Lokacin da kuka wuce shekaru 40, babu abin da ya kamata ku yi da sukari kuma. Sukari yana haifar da kumburi wanda ke hana samun fata mai tsabta kuma mai kyau saboda yana lalata elastin wanda ke inganta elasticity na fata, yana kawo wrinkles a farkon rayuwa, "in ji Oloyede.
(8) Nau'in Lemo
Abubuwan sha masu ƙarfi sun ƙunshi caffeine mai yawa, sodium mai yawa tsakanin sauran abubuwan da ke cutar da lafiya. Taruwar sa a cikin tsarin jiki na tsawon lokaci yana haifar da guba kuma lokacin da jiki ba zai iya ɗaukar shi ba, ya zama cutarwa kuma hakan zai iya rage rayuwar mutum.
(9) Abincin Da Aka Gasa
Abincin da aka toya irin su kek yana da yawan sukari da mai, kuma bai kamata a sha ba bisa ga sha'awar inganta rayuwa.
(10) Iyakance Cin Kwai Da shan madara
Yana da kyau a rage yawan madara tare da cikakken mai da kuma adadin kwai da ake ci kowace rana. Idan ba a yi haka ba, irin waɗannan mutane za su sami kitse mai yawa a cikin tsarin su, al'amurran da suka shafi hanjinsu da gudawa mai tsayi.
Oloyede yana mai ba da shawarar komawa ga abincin asali na gargajiya wanda ya haɗa da abinci na kayan marmari da na 'ya'yan itatuwa mai dauke da sindarin gina jiki.
