Tsohuwar jaruma a shirin nan mai farin jini na kwana Casa'in Safaru ta yi wani martani da ya keta hazo a shafukan sada zumunta. Safarau ta bayyana wasu dalilai da ya jawo aka daina saka ta a cikin shirin kwana Casa'in na Arewa 24.
Tace tabbas bidiyon tsiraicina ne da ya fita ya jawo a koreni daga cikin shirin film ɗin Kwana Casa’in kuma ni ba ƴar Ƙannywood bace. Asalima KannyWood bata yimin komai ba, Inji Safara’u
Matashiyar wacce a halin yanzu ta koma yin wakoki da asalin sunan ta shine Safiya Yusuf da ake yi mata laƙabi da Safarau, ta bayyanawa duniya cewa tabbas lokacin da aka sami matasala bidiyon tsiraicinta ya bayyana a duniya shine musabbabin abinda yasa aka koreta daga Kwana Casa’i.
Inda ta bayyanan cewa ita kwata-kwata ba ƴar Kannywood bace. Don haka take kira da ƴan Ƙannywood da su ƙyaleta haka su bar cewa Ƙannywood ne ya jawo tayi suna a duniya.
Safaru ta bayyana hakan ne a wani faifan bidiyo da tayi a shafin ta na Tiktok. Inda mutane suka tisata a gaba da tambayoyi, wasu kuma su ɓata mata rai. Hakan yasa ta hau zage-zage cikin fushi a yaren turanci.
Tun bayan da tashar Arewa dake haska shirin kwana Casa'in ta daina saka Safarau a cikin shirin hakan ne yasa ake ganin ya fusata matashiyar ɗaukar wata rayuwa wanda mutane ke ganin babu inda za ta kaita sai ga halaka.
