Sojojin Najeriya Ba su kama Kowa ba, sun dawo hannunsu babu komai a cikin babban farmakin da suka kai wa 'yan fashi, masu satar mutane a Kano.
KARANTA: Muhimman Abubuwan Da Suka Faru A Rayuwar Marigayi Sani Abacha
KARANTA: 'Ƴan Fashin Daji sun sace mata 60 a Jihar Zamfara
KARANTA: Wani Mutum Daya Bata Sama Da Shekaru 60 Ya Bayyana A Garin Kano
A ranar Laraba ne rundunar sojojin Najeriya ta ce dakarunta sun gudanar da samame a kan 'yan fashi da masu satar mutane a jihar Kano, amma ba wanda aka kama.
Daraktan hulda da jama'a na rundunar, Brig Gen Mohammed Yerima a cikin wata sanarwa yace sojojin sun kasance a sanannen dajin Falgore inda suka toshe hanyar 'yan fashi da masu satar mutane da ke addabar yankin Arewa maso Yamma.
Aikin da sojojin ke yi a yankin arewa ya banbanta da yankin Kudu maso Gabas inda ma’aikatanta suka ci gaba da harbe-harbe da kuma kame da yawa daga cikin ‘yan asalin yankin Biafra.
Yerima ya ce, “Sojojin na Najeriya a wani yunkuri na tabbatar da dawowar ayyukan zamantakewar tattalin arziki wanda har zuwa yanzu ayyukan‘ yan fashi da sauran masu aikata laifuka suka kawo cikas, runduna ta 1 na tare da hadin gwiwar jami’an ‘yan sanda na Najeriya, da na Tsaron Najeriya da na hukumar tsaro ta farin kaya. haka nan kuma ‘yan banga da mafarauta na cikin gida sun shiga aikin hadin gwiwa na musamman tare a dajin Falgore da sauran wuraren a Jihar Kano.
“Aikin da ake ci gaba da gudanarwa har yanzu ana kan aiwatar da shi ne don ganin ya dace da kokarin da sojojin sa kai suke yi a tashar Falgore ta, tare da babbar manufar tabbatar da cewa ‘yan fashi, masu satar mutane da sauran masu aikata laifuka daga jihohin makwabta ba su kutsa cikin dajin ba. wani bangare na jihar Kano don aiwatar da mugayen ayyukansu.
A sakamakon haka, muna so mu tabbatar wa mutanen kirki na jihar Kano game da tsaron rayukansu da dukiyoyinsu sannan kuma muna rokon su da su ci gaba da kai rahoton motsin wasu bakin mutane ko kungiyoyin da ke kusa da su ga hukumar tsaro mafi kusa don daukar matakin gaggawa.
"Sojojin a cikin hadin gwiwa da dukkan masu ruwa da tsaki a kan harkar tsaro ta kuduri aniyar ganin ta dawo da harkokin ta yadda ya kamata a jihar ta Kano da sauran jihohin da ke makwabtaka da ita domin baiwa 'yan kasa masu bin doka da oda gudanar da harkokin su na yau da kullun ba tare da tsangwama daga masu aikata laifi ba."
