NA CI ABINCI BAYAN ALFIJIR YA KETO
Tambaya
Assalamu Alaikum Warahmatullah Wabarakatuh!
Malam jiya bayan na gama cin abinci, sai na samu ashe alfijir ya keto, tun kafin na fara ci, saidai Allah ya sani, na ci ne a rashin sani, ko ya zan yi yanzu ?
Amsa
Wa'alaikum Assalam Warahmatullah Wabarakatuh!
To malam mutukar ba da saninka ka yi haka ba, to azuminka ya inganta, domin duk lokacin da mai azumi ya yi kokwanton hudowar alfijir, to ya halatta a gare shi ya ci abinci, saboda wanzuwar dare shi ne asali.
kamar yadda Ibnu-abbas yake cewa : "Allah ya halatta mana cin abinci - a Ramadhana- mutukar mun yi kokwanton hudowar alfijir", sai dai in da zai yi kokwanton faduwar rana to bai halatta a gare shi ya Ci abinci ba, saboda wanzuwar ranar shi ne asali.
Allah ne mafi sani
Tags:
Daga Malamai
